ದಿ| ಚೆನ್ನಪ್ಪ ಶೆಟ್ಟಿ ಸಿದ್ಧಕಟ್ಟೆ ಹಾಗೂ ದಿ| ವಿಶ್ವನಾಥ ಶೆಟ್ಟಿ ಇವರು ಕರಾವಳಿಯ ಅತ್ಯಂತ ಶ್ರೀಮಂತ ಗಂಡುಗಲೆಯೆಂದೇ ಪ್ರಸಿದ್ಧಿ ಪಡೆದ ಯಕ್ಷಗಾನ ಕ್ಷೇತ್ರದಲ್ಲಿ ತಮ್ಮ ಬದುಕಿನ ಬಹುಪಾಲು ತೊಡಗಿಸಿಕೊಂಡು, ತೆಂಕು ಬಡಗಿನ ಸವ್ಯಸಾಚಿಗಳೆಂದೇ ವಿಖ್ಯಾತರಾಗಿ, ಆಟ-ಕೂಟಗಳಲ್ಲಿ ಅಗ್ರ ಗಣ್ಯ ಕಲಾವಿದರಾಗಿ, *ಸಿದ್ಧಕಟ್ಟೆ* ಎಂಬ ಹೆಸರನ್ನು ಜಿಲ್ಲೆ, ರಾಜ್ಯ, ರಾಷ್ಟ್ರ, ಅಂತರಾಷ್ಟ್ರಗಳಲ್ಲಿ ಪರಿಚಯಿಸಿದಂತಹ ಅಮೋಘ ಕಲಾವಿದರಾಗಿದ್ದಾರೆ. ತಮ್ಮ ಜೀವನದ ಬದುಕಿನಲ್ಲಿ ಕೊನೆಯ ಉಸಿರಿನವರೆಗೂ ಶಿಸ್ತು, ಪ್ರಾಮಾಣಿಕತೆಯೇ ಬೆಳೆಸಿಕೊಂಡು ಬಂದವರಾಗಿದ್ದು, ಎಲ್ಲಾ ಯಕ್ಷಕಲಾಭಿಮಾನಿಗಳ ಮನೆ-ಮನದಲ್ಲಿ ಯಕ್ಷಗಾನದ ಇಂಪನ್ನು ಅಚ್ಚಳಿಯದೇ ಉಳಿಯುವಂತೆ ಮಾಡಿ, ದೇವರ ಪಾದ ಸೇರಿರುವರು.
ಯಾವುದೇ ಒಂದು ಜನಾಂಗದ ನಿಜವಾದ ಆಸ್ತಿ ಯಾವುದೆಂದರೆ ಕಲೆ ಚಾರಿತ್ರ್ಯ, ತಮ್ಮ ಸಾಧನೆಯ ಮೂಲಕ ಸಿದ್ಧಕಟ್ಟೆ ಹಾಗೂ ಯಕ್ಷ ರಂಗಕ್ಕೆ ಗೌರವವನ್ನು ತಂದುಕೊಟ್ಟ ಸಾಧಕ ರತ್ನಗಳು ಇವರು. ಈ ಕಲಾವಿದರನ್ನು ಹೊಸ ತಲೆಮಾರಿಗೆ ಪರಿಚಯಿಸುವ ದೃಷ್ಟಿಯಿಂದ, ನಿರಂತರವಾಗಿ ಹತ್ತು ಹಲವು ಕಾರ್ಯಕ್ರಮಗಳನ್ನು ಆಯೋಜಿಸುವುದು ನಮ್ಮ ಆಶಯ. ಈ ಎಲ್ಲಾ ಕಾರ್ಯಕ್ರಮಗಳಿಗೆ ಬುನಾದಿಯೆಂಬಂತೆ ದಿನಾಂಕ 19-11-2016ರಂದು ಸಿದ್ಧಕಟ್ಟೆ ಕೇಂದ್ರ ಮೈದಾನದಲ್ಲಿ 5:30ರಿಂದ ಬೆಳಗಿನವರೆಗೆ ಶ್ರೀ ಮಹಿಷಮರ್ದಿನಿ ಯಕ್ಷಾಂತರಂಗ ಸಿದ್ಧಕಟ್ಟೆ ಇವರ ಆಶ್ರಯದಲ್ಲಿ ಸಂಸ್ಮರಣೆ ಹಾಗೂ ಯಕ್ಷಾರ್ಪಣೆ ಕಾರ್ಯಕ್ರಮ ಆಯೋಜಿಸಲಾಗಿದೆ .
ಈ ನಮ್ಮ ಕಾರ್ಯಕ್ರಮಕ್ಕೆ ತಾವುಗಳು ಬಂದು, ನಮ್ಮನ್ನು ಪ್ರೋತ್ಸಾಹಿಸಬೇಕಾಗಿ ವಿನಂತಿ.
ಸಂದೇಶ್ ಶೆಟ್ಟಿ ಪೊಡುಂಬ, ಅಧ್ಯಕ್ಷರು ಮತ್ತು ಸರ್ವಸದಸ್ಯರು, ಶ್ರೀ ಮಹಿಷಮರ್ದಿನಿ ಯಕ್ಷಾಂತರಂಗ, ಸಿದ್ಧಕಟ್ಟೆ
